RESULTADOS E CRÓNICA DA XORNADA 4

Esta fin de semana, a primeira de Maio, tivo lugar a cuarta xornada de competición de Primeira Atonómica do fútbol base na comarca de Ferrolterra, nas que están inscritas as nosas categorías inferiores. A xornada non foi todo o positiva que quixéramos en canto a resultados, que se resumen en 3 derrotas e tan só 1 vitoria.

Abría a xornada o noso equipo Benxamín, contra o Galicia de Caranza, en partido adiantado ó xoves 29 de Abril ás 18h. e disputado no Municipal de Gallamonde. Un partido no que os nosos máis pequenos trataron de conter no primeiro tempo a un rival moi forte, que acabou por impoñerse claramente cun resultado final de 1-8.

O venres 30 de Abril ás 18:30h. o equipo Infantil visitaba ó Galicia de Caranza, para enfrontrase ó lider da competición, que conta tódolos seus partidos por vitorias. Os nosos rapaces comezaron moi cedo por detrás no marcador, ó encaixar nos primeiros minutos ó 1-0 co que se chegou ó descanso. Ao longo do partido tivemos fases de dominio e ocasións para poder equilibrar o encontro, pero non se materializaron e acabamos por encaixar 3 goles máis nos 10 últimos minutos do partido chegando ó final cun marcador de 4-0 que creemos que non reflexa o igualado do encontro, nin premia o esforzo dos nosos.

Ó día seguinte, o sábado 1 de Maio ás 10:15h., era o noso equipo Cadete o que visitaba as instalacións do Galicia Caranza, saindo goleado de forma clara, xa cun 5-0 ó descanso. Aínda así os nosos cadetes non baixaron os brazos ata ó final, ó que se chegou co resultado de 6-0.

Cando xa íbamos a catalogar a xornada como negra en canto a resultados, chegou por fin a ansiada vitoria, unha vez máis da man do noso equipo xuvenil, no partido disputado contra os da S.D. O Val-B, o domingo ás 11h. no Municipal de Gallamonde. Vitoria clara e merecida a dos nosos xuvenís, que ó descanso xa gañaban cun resultado parcial de 2-1, e que co paso dos minutos incrementeban o dominio, acumulando ocasións, ata chegar ó remate do encontro co resultado final de 4-1. Con este resultado seguimos loitando na cabeza da clasificación, despois de perder o liderato a pasada semana, afianzándonos agora na segunda posición a tan só 1 punto do lider.

Para rematar deixámovos o vídeo do gol que supuxo o 3-1 no partido dos xuvenís, acadado de penalti

Seguiremos informando e crecendo #EnOndaCoMiño🌊 ⚪🔴⚪