RESUMO DA TEMPADA 2023/2024
Agora que rematamos as competicións en tódalas nosas categorías e pechamos a tempada 2023/24, chegou a hora de facer balance deportivo, que en termos xerais catalogamos de POSITIVO e que detallamos a continuación para cada unha das nosas categorías:
.
PRIMEIRO EQUIPO:
Espectacular a tempada levada a cabo polo noso primeiro equipo que, no ano histórico no que debutábamos na categoría de Preferente Galicia, remata nunha moi meritoria 7ª praza, chegando a liderar a competición ligueira na xornada 12. E a piques estivemos de poñerlle a guinda ao pastel coa Copa de Ferrol, pero desta vez non puido ser, posto que caemos na final contra O Val cun solitario gol a falta de só uns minutos para rematar a prórroga.
.
EQUIPO FILIAL:
Quizáis a nota máis negativa desta tempada veu da man dos nosos canteiráns do Miño-B, posto que a pesar dunha moi boa primeira fase do campionato, no que quedaron en 4ª posición, con 40 puntos e a tan só un posto de xogar o Playoff de ascenso a Primeira Galicia, todo cambiou nunha segunda fase na que o sistema de competición e os resultados non axudaron a que poideran polo menos manter a categoría.
.
XUVENIL:
Boa campaña a dos nosos xuvenís, que conseguiron clasificarse para o primeiro grupo cos mellores equipos da comarca de Ferrolterra e competir con resultados apretados na gran maioría dos encontros, para rematar no 11º posto da clasificación.
.
CADETE:
Notable campaña a dos cadetes, que ao igual que os xuvenís clasificáronse para o grupo 1 de Primeira autonómica Ferrol, polo que competiron cos mellores equipos da comarca, quedando no 7º posto da clasificación. Tamén acadaron o 3º posto no Torneo de Vilarmaior.
.
INFANTIL:
Boa campaña tamén para os nosos infantís, que se clasificaron para o segundo grupo, rematando no 4ª posto da clasificación. Tamén obtiveron trofeo por un 4º posto no Torneo de Miño.
.
ALEVÍN-A
Excelente tempada a do noso alevín-A que consegíu facer “dobrete” ao ser Campións de Liga e Copa do seu grupo, tras perder só 3 partidos oficiais en toda a tempada. Gañaron tamén o Torneo de Miño e foron subcampións no de Perlío.
.
ALEVÍN-B
Boa tempada tamén a do noso segundo equipo alevín, integrado na súa práctica totalidade por nen@s de primeiro ano ou que practicaban por primeira vez este deporte e quedaron no 4º posto do grupo D4.
.
BENXAMÍN:
Notable a campaña dos nosos benxamíns que conseguiron clasificarse para o primeiro grupo, polo que xogaron cos mellores equipos da zona de Ferrol, quedando no 8º posto. Acadaron un trofeo polo 3º posto no torneo de Miño,
.
PREBENXAMÍN-A
Extraordinaria a campaña do noso prebenxamín-A que non só se clasificaron para o primeiro grupo, no que quedaron nun meritorio 4º posto, senón que se proclamaron Campións da Copa de Ferrol (a primeira que acadamos en categorías inferiores). Ademáis de chegar ás fináis de tódolos torneos nos que participaron, sendo campións no de Mugardos e no de Miño, e subcampións en outros coma os de Neda, Sada, Perlío e Meicende.
.
PREBENXAMÍN-B
Primeiro ano de competición oficial para os nosos máis pequenos, nun equipo integrado por biberóns e prebenxamíns de pimeiro ano na súa práctica totalidade, polo que para a gran maioría supuxo o seu primeiro contacto co mundo do fútbol e desfrutaron moito da experiencia.
.
Para rematar sólo nos queda dar a noraboa a tódolos nosos equipos polo bo papel nas súas respectivas competicións e agradecer a toda a gran familia da AD Miño por estar sempre #EnOndaCoMiño