XORNADA EMOCIONANTE DE FÚTBOL NO MUNICIPAL DE GALLAMONDE

Este pasado sábado día 19 de Xuño o noso Club, A.D. Miño, fixo de anfitrión acollendo nas instalacións do Campo Municipal de Gallamonde as semifinais polo ascenso á Liga Galega nas categorías de Infantil, Cadete e Xuvenil, que enfrentaban ós equipos da zona de Ferrol cos da zona de A Coruña.

Abríase a xornada ás 11h. co partido da categoría Infantil que disputaron os equipos do C.M.I. Club de Campo contra ó Orillamar S.D. Un partido moi igualado, véndose esto refrexado no marcador, posto que o tempo regramentario rematou con empate a cero, xa que ningún dos dous equipos foi quén de materializar as súas ocasións e convertilas en gol, o que os levou a unha prórroga cun inicio trepidante, posto que xa no primeiro minuto deste tempo extra o Club de Campo adiantábase no marcador ó transformar un penalti que o árbitro sinalou ó seu favor. En menos de 1 minuto, o Orillamar conseguía empatar, na primeira xogada nada máis sacar de centro. Tras esos 2 goles, nos 2 primeiros minutos da prórroga, o marcador xa non se volveu a mover, polo que o pase a semifinais se tivo que decidir con lanzamentos dende o punto de penalti. A emoción foi máxima tamén na tanda de penaltis posto que o Orillamar conseguía converter en gol os 2 primeiros mentras que o Club de Campo os erraba, pero ó final a sorte cambiou e a fortuna acabou por sonreirlle ó Club de Campo que transformaba en gol os seus 3 últimos intentos e vía como o Orillamar os fallaba. Así pois clasificouse por penaltis (2-3) o Club de Campo, que disputará a final a próxima semana contra o Oza Juvenil S.D.

Xa pola tarde disputáronse as semifinais nas categorías Cadete e Xuvenil. Primeiro, ás 17h., tivo lugar o encontro de cadetes entre os equipos do S.D.C.R. Narón O Freixo e o Victoria C.F. «B». O partido púxoselle moi cedo de cara ó equipo coruñés, que conseguía adiantarse no marcador cando só se levaban disputados 5 minutos. Os naroneses souberon encaixar o golpe e despregaron o seu xogo, sin poñerse nerviosos, conseguindo empatar o encontro cun gol de penalti no minuto 26. Con este empate, 1-1, chegábase ó descanso. Xa na reanudación era o Narón o Freixo o que se adiantaba nos primeiros minutos. Unha expulsión dun xogador naronés mediado o segundo tempo facía pensar que o Victoria podía remontar o marcador adverso, pero o Freixo soubo tirar de oficio e incluso acadou unha ventaxa maior con 2 goles máis nos últimos minutos, cando xa os coruñeses se iban con todo o equipo arriba en busca dun gol que lles dera o empate. Resultado final de 4-1, que coloca ó Narón O Freixo na final do próximo sábado en Gallamonde contra o Betanzos C.F.

Para rematar a xornada, dispotouse ás 20h. a última das semifinais, a da catería Xuvenil, co partido entre a A.D. Pedroso e o Atlético Castros. O encontro foi moi igualado e cheo de emoción, con un gran derroche físico, ainda que con poucas ocasións. A medida que o encontro avanzaba, a tensión ía en aumento, tanto na grada como no terreo de xogo, acabando por desencadenarse a mediados do segundo tempo un altercado entre varios xogadores que o árbitro resolveu expulsando a 2 dos implicados (1 por cada equipo). A igualdade chegou ata o final dos 90 minutos e mantívose tamén na prórroga, sin que se movera o resultado inicial de 0-0, polo que a eliminatoria tivo que resolverse na tanda de penaltis e ahí a sorte deulle a espalda ó Pedroso que comezaba tirando e erraba 3 dos 4 primeiros lanzamentos, mentras que o Atlético Castros transformaba os seus 3 primeiros co que gañou a tanda por 1-3 e métese na final contra o Bergantiños C.F. «B», que tamen se disputará ó vindeiro sábado en Gallamonde.

Así pois, as 3 finais, que se xogarán en Gallamonde o próximo sábado 26 de Xuño, terán os seguintes horarios e rivais:

11H. FINAL CATEGORÍA INFANTIL: C.M.I. CLUB DE CAMPO — OZA JUVENIL S.D.

17H. FINAL CATEGORÍA CADETE: S.C.D. y R. NARÓN O FREIXO — BETANZOS C.F.

20H. FINAL CATEGORÍA XUVENIL: BERGANTIÑOS C.F. «B» — AT. CASTROS

Por mor da COVID-19 o público asistente deberá pasar o preceptivo control de temperatura na entrada ó recinto e quedar rexistrado documentalmente, polo que recordamos que os interesados en asistir como espectadores deberán inscribirse nos listados elaborados por cada Club, que disporá de 60 localidades, e os afeccionados neutrales poderán inscribirse enviando os seus datos (nome, apelidos, Nº DNI e teléfono de contacto) por correo electrónico a: info@admiño.es. Unha vez dentro do recinto deportivo os espectadores deberán respectar en todo momento as normas contra a COVID-19, mantendo a distancia de seguridade, permanecendo sentado durante o transcurso do encontro nas localidades sinalizadas e seguindo as instruccións que indique o persoal da organización.

DENDE A ASOCIACIÓN DEPORTIVA MIÑO AGRADECEMOS A PRESENZA NESTE EVENTO DEPORTIVO DE REPRESENTANTES DA FEDERACIÓN GALEGA DE FÚTBOL, REPRESENTANTES DA CORPORACIÓN MUNICIPAL E OUTRAS AUTORIDADES,, ASÍ COMO Ó NUMEROSO PÚBLICO ASISTENTE POLO SEU COMPORTAMENTO EXEMPLAR E RESPONSABLE, AGARDANDO QUE O VINDEIRO SÁBADO VOLTEMOS A VIVIR UNHA XORNADA DE FESTA DO FÚTBOL.

#EnOndaCoMiño🌊