O MIÑO ACOLLERÁ EN GALLAMONDE A FASE DE ASCENSO A LIGA GALEGA
Este fin de semana comenzarán a disputarse as fases finais de ascenso a Liga Galega para as categorías de fútbol base de Infantil, Cadete e Xuvenil e o noso club, A.D. Miño, fará de anfitrión, acollendo nas instalacións do Campo de Fútbol Municipal de Gallamonde, os 3 partidos de semifinais da zona de Coruña-Ferrol que se celebrarán o sábado, día 19 de Xuño, e tamén as 3 finais que se disputarán o seguinte sábado, día 26, e que darán o ansiado ascenso á Liga Galega a 3 dos aspirantes.
A xornada do sábado 19 dará comenzo ás 11h. ca primeira semifinal, que será a da categoría Infantil e que enfrentará ós Clubs ORILLAMAR S.D. contra o C.M.I. CLUB DE CAMPO DE FERROL. Xa pola tarde xogaranse as outras 2 semifinais: primeiro, ás 17h, a da categoría Cadete que disputarán os equipos S.D.C. y R. NARÓN O FREIXO contra o VICTORIA C.F. “B” , para rematar posteriormente a xornada coa semifinal da categoría Xuvenil que terá lugar ás 20h. e enfrentará a A.D. PEDROSO contra o ATLÉTICO CASTROS.
Por mor da COVID-19, para asistir como público a estos partidos, cada Club deberá elaborar un listado de asistentes no que consten os nomes, apelidos, DNI e teléfono de contacto de cada persoa que vaia a acceder ó recinto e terán que pasar un control de temperatura na entrada. O público de Miño ou de outras localidades que queira asistir ó partido, deberá tamén comunicar previamemte estos datos por e-mail a info@admiño.es con polo menos 24 horas de antelación.
Temos xa todo preparado para acoller este evento deportivo e desexámoslle a mellor das sortes a todos os competidores, agardando que, tanto xogadores, como corpos técnicos, árbitros e espectadores, disfruten dunha gran xornada de fútbol no Municipal de Gallamonde.
#EnOndaCoMiño 🌊