BALANCE DA PRIMEIRA FASE DE COMPETICIÓN DOS EQUIPOS DA NOSA BASE

Unha vez rematada a primeira fase, destacamos a moi boa traxectoria da maioría dos nosos equipos nas suas respectivas competicións de Primeira Autonómica, o que lles permite en moitos casos meterse na liga dos mellores equipos da comarca de Ferrolterra e loitar así polo ascenso á Liga Galega.

PREBENXAMÍNS: Os nosos máis pequenos en competición, cun balance de 4 victorias e tan só 2 derrotas, conseguen ser o mellor terceiro clasificado de tódolos grupos desta categoría, o que lles da dereito a disputar a liga polo título cos outros 6 mellores equipos da comarca.

BENXAMÍNS: Cunha traxectoria de 5 victorias e tan só 2 derrotas, acadan un meritorio terceiro posto no seu grupo, o que lles permitirá seguir competindo na segunda fase cos mellores equipos desta categoría.

ALEVÍNS: Discreto 7º posto o acadado polos nosos alevíns, nun difícil grupo no que tan só conseguiron unha victoria nos 7 partidos disputados, pero aínda así somos optimistas de cara ó futuro da competición na segunda fase de consolación, pola melloría que se está a ver co avance da tempada.

INFANTÍS: Excelente o segundo posto acadado en esta categoría, perdendo tan só 1 partido dos 8 desputados, co que se clasifican como segundos de grupo para desputar a fase para o ascenso a Liga Galega, cos restante 5 mellores equipos de Ferrolterra.

CADETES: 6º posto no seu grupo, con 3 victorias e 5 derrotas, é o balance dos nosos cadetes, lastrados por varias lesións, polo que agardamos que vaian a máis na segunda fase da competición no grupo polo título de consolación.

XUVENÍS: Notable competición a levada a cabo polo noso equipo xuvenil, que obtén un meritorio terceiro posto tras 6 victorias e 3 derrotas, o que lle permitirá desputar cos mellores equipos a liga polo título, nun grupo que loitará tamén pola fase de ascenso a Liga Galega.

Así pois consideramos, en termos xerais, como exitosa a primeira fase de competición levada a cabo polos nosos equipos, xa que en 4 das 6 categorías conseguimos quedar no “podio”, entre os 3 primeiros clasificados, o que nos permite poder desputar unha segunda fase cos mellores equipos da comarca de Ferrolterra e en algún caso poder loitar polo ascenso a unha categoría superior.

#EnOndaCoMiño 🌊

⚪🔴⚪