A.D. MIÑO COMUNICADO OFICIAL: MANEL MONTERO, NOVO ADESTRADOR DO PRIMEIRO EQUIPO
No día das Letras Galegas, e tan só un día despois de comunicar a marcha do noso anterior adestrador, xa podemos anunciar a fichaxe do que será o seu relevo de cara á próxima temporada 2021/2022: Manuel A. Montero López, procedente do Meirás Club de Fútbol.
Trátase dun técnico xoven, de tan só 39 anos de idade (08/05/1982), pero que acredita unha ampla experiencia como adestrador en equipos de fútbol afeccionado da comarca de Ferrolterra adestrando, ademáis do xa mencionado Meirás CF onde levaba dende o ano 2015, outros equipos como a SD O Val de Narón, entidade na que estivo durante10 anos formando parte do corpo técnico en práctcamente tódalas súas categorías, ata chegar a ser o adestrador do primeiro equipo, cando este militaba na Preferente Galega. Na súa traxectoria conta con un ascenso a Segunda Autonómica cando tiña tan só 27 anos, acadado na temporada 2009/2010 co Aspirantes CF, mentras compaxinaba adestramentos tamén nas categorías inferiores da SD O Val.
Confiamos plenamente en que a súa incorporación ó noso club nos axudará a acadar os obxectivos plantexados e nos permitirá seguir crecendo e mellorando no eido deportivo, neste novo proxecto que estamos a construir e que agardamos que nos permita chegar a alcanzar nóvos éxitos e metas máis altas no futuro.
BENVIDO A MIÑO, MANEL!!! ⚪🔴⚪
DESEXÁMOSCHE TODA A SORTE DO MUNDO NESTA NOVA ANDADURA. 🍀 ⚽️
A túa sorte será tamén a nósa porque xa estás #EnOndaCoMiño 🌊